QHL: «Barys» búgin Reseıde «Admıralmen» oınaıdy

ASTANA. KAZINFORM - Qazaqstandyq «Barys» komandasy búgin, ıaǵnı 4 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizedi.

Oıyn elorda ýaqytymen 14:30-da bastalady.

Eki komanda buǵan deıin 36 márte kezdesken. Onyń 19-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Qazir týrnır kestesinde «Barys» 28 upaımen 23-orynda tursa, «Admıral» 52 upaımen 16-orynda keledi.

Aıta ketsek, elordalyq klýb budan keıingi bes oıynyn elordada ótkizedi. Aldymen 13 aqpanda Reseıdiń SKA (SanktPeterbýrg) komandasyn qabyldasa, odan keıin 15 aqpanda «Lada» (Tolıattı), 17 aqpanda «Metallýrg» (Magnıogorsk), 20 aqpanda «Severstal» (Cherepovets), 22 aqpanda «Admıral» (Vladıvostok) komandasymen kezdesedi.

Eske salsaq, budan buryn «Barys» «Amýr» komandasyna ese jiberdi.