QHL: «Barys» búgin Reseıde «Admıralmen» kezdesedi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 21 qazanda Reseıde «Admıral» (Vladıvostok) komandasyna qarsy ótkizedi.
Kezdesý Qazaqstan ýaqytymen 14:30–da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 17 oıynnan keıin 20 upaımen segizinshi orynda tursa, «Admıral» 16 oıynnan keıin 15 upaımen on toǵyzynshy orynǵa jaıǵasqan.
Elordalyq komanda sońǵy alty oıynnyń tórteýinde jeńiske jetse, reseılik klýb alty kezdesýdiń úsheýinde qarsylastaryn qapy qaldyrdy.
Eki komanda arasyndaǵy sońǵy bes oıynnyń úsheýinde elordalyq klýb jeńiske jetti.
«Barys» komandasynyń quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanalı Sarkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Qazaqstandyq komanda budan keıin alty kezdesýdi syrt aıdynda ótkizedi. Aldymen 26 qazanda Reseıde «Avtomobılıst» (Ekaterınbýrg) klýbymen kezdesse, odan keıin 28 qazanda Belarýstiń «Dınamo» (Mınsk), 30 qazanda Qytaıdyń «Shanhaıskıe Drakony» (Shanhaı) klýbtarymen oınaıdy.
Odan keıin 4 qarashada Reseıde «Traktor» (Chelıabi), 6 qarashada «Admıral» (Vladıvostok), 8 qarashada «Amýr» (Habarovsk) klýbtarymen sheberlik baıqasady.
Eske salsaq, budan buryn «Barys» Reseıde «Amýrǵa» ese jiberdi.
