QHL: «Barys» búgin elordada TsSKA klýbymen oınaıdy

ASTANA. KAZINFORM - Qazaqstandyq «Barys» komandasy búgin, ıaǵnı 8 naýryzda Qurlyqtyq hokkeı lıgasyndaǵy kezekti oıynyn elordada Reseıdiń TsSKA (Máskeý) komandasyna qarsy ótkizedi.

Oıyn elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 32 márte kezdesken. Onyń 10-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Qazir týrnır kestesinde «Barys» 33 upaımen 23-orynda tursa, TsSKA 79 upaımen 9-orynda keledi.

Aıta ketsek, «Barys» sapyndaǵy Qazaqstan quramasynyń eki qaqpashysy Nıkıta Boıarkın men Andreı Shýtov jaraqat aldy.

Endi «Barys» budan keıin QHL-dyń turaqty kezeńinde bes oıynyn ótkizedi. Aldymen Reseıde 13 naýryzda «Admıral» (Vladıvostok) klýbymen kezdesse, 15 naýryzda «Amýr» (Habarovsk), 17 naýryzda «Sıbır» (Novosibir) klýbtarymen oınaıdy.

Al elordada 20 naýryzda Reseıdiń «Ak bars» (Qazan) komandasy 22 naýryzda «Salavat ıÝlaev» (Ýfa) klýbtarymen kezdesedi.