QHL: «Barys» búgin elordada «Sıbır» komandasyn qabyldaıdy

ASTANA. KAZINFORM - Qazaqstandyq «Barys» komandasy búgin, ıaǵnı 27 qyrkúıekte Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizedi.

Kezdesý Qazaqstan ýaqytymen 16:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 56 márte kezdesken. Onyń 28-i elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Bıyl «Barys» jeti kezdesýdiń úsheýinde jeńiske jetip, qalǵanynda qarsylastaryna ese jiberdi. Al «Sıbır» jeti kezdesýdiń tórteýinde qarsylasyn qapy qaldyrdy.

Týrnır kestesinde «Barys» 7 upaımen 19 orynda tursa, «Sıbır» 8 upaımen 17 oryndy mise tutyp tur.

Endi elordalyq klýb aldaǵy eki oıynyn Astanada ótkizedi. Aldymen 29 qyrkúıekte Reseıdiń «Admıral» (Vladıvostok) komandasyn qabyldasa, 1 qazanda «Lokomotıv» (ıAroslavl) komandasymen kezdesedi.

Eske salsaq, budan buryn «Barys» qatarynan tórtinshi márte jeńilistiń aşy dámin tatty.