QHL: «Barys» búgin elordada «Severstal» klýbymen oınaıdy
ASTANA. KAZINFORM - Qazaqstandyq «Barys» komandasy búgin, ıaǵnı 20 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Severstal» (Cherepovets) komandasyna qarsy ótkizedi.
Oıyn elorda ýaqytymen 19:20-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 32 márte kezdesken. Onyń 17-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.
Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Qazir týrnır kestesinde «Barys» 29 upaımen 23-orynda tursa, «Severstal» 69 upaımen 11-orynda keledi.
Aıta ketsek, elordalyq klýb budan keıingi bir oıynyn elordada 22 aqpanda «Admıral» (Vladıvostok) klýbyna qarsy ótkizedi.
Eske salsaq, budan buryn «Barys» elordada «Metallýrg» komandasyna ese jiberdi.
