QHL: «Barys» búgin elordada «Salavat ıÝlaevpen» kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 21 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Salavat ıÝlaev» (Ýfa) komandasyna qarsy ótkizedi.

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 64 márte sheberlik baıqasty. Onyń 22-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Týrnır kestesinde «Barys» 25 upaımen 18-orynǵa jaıǵassa, «Salavat ıÝlaev» 23 upaımen 19-orynda keledi.

Qazaqstandyq klýb budan keıin taǵy bir oıynyn elordada ótkizip, 23 qarashada Reseıdiń «Avangard» (Omby) klýbymen sheberlik baıqasady.

Eske salsaq, budan buryn «Barys» overtaımda «Sochıden» basym tústi.