QHL: «Barys» búgin elordada «Neftehımıkpen» kezdesedi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 25 qyrkúıekte elordada Reseıdiń «Neftehımık» (Nıjnekamsk) komandasyna qarsy ótkizedi.
Kezdesý Qazaqstan ýaqytymen 19:30–da bastalyp, «Qazsport» telearnasynan tikeleı efırde kórsetiledi.
Týrnır kestesinde «Dınamo» komandasy 8 oıynnan keıin 12 upaımen altynshy orynda tursa, «Barys» 7 oıynnan keıin 10 upaımen jetinshi orynda keledi.
Eki komanda arasyndaǵy sońǵy bes kezdesýde elordalyq klýb bireýinde qarsylasynan basym tústi.
Aldaǵy maýsymǵa barlyǵy 22 komanda qatysady. Olardyń qatarynda elordalyq «Barys» ta bar. Komandalar jyldaǵydaı Shyǵys jáne Batys konferentsııasyna bólingen.
Shyǵys konferentsııasyna Reseıdiń «Avtomobılıst» (Ekaterınbýrg), «Ak Bars» (Qazan), «Metallýrg» (Magnıtogorsk), «Neftehımık» (Nıjnekamsk), «Traktor» (Chelıabi), «Avangard» (Omby), «Admıral» (Vladıvostok), «Amýr» (Habarovsk), «Salavat ıÝlaev» (Ýfa), «Sıbır» (Novosibir) jáne qazaqstandyq «Barys» engizilgen.
Batys konferentsııasynda Reseıdiń SKA (Sankt-Peterbýrg), «Spartak» (Máskeý), «Torpedo» (Nıjnıı Novgorod), «Lada» (Tolıattı), «Sochı», «Dınamo» (Máskeý), «Lokomotıv» (ıAroslavl), «Severstal» (Cherepovets), TsSKA (Máskeý), Belarýstiń «Dınamo» (Mınsk), Qytaıdyń «Shanhaı Dregons» komandalary synǵa túsedi.
Aıta ketsek, budan buryn «Barys» Reseıde «Dınamodan» basym tústi.
