QHL: «Barys» búgin elordada «Metallýrgpen» kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 9 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Metallýrg» (Magnıtogorsk) komandasyna qarsy ótkizedi.

Kezdesý Qazaqstan ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 74 márte sheberlik baıqasty. Onyń 24-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń bireýinde qazaqstandyq klýb atalǵan qarsylasynan basym tústi.

Týrnır kestesinde «Barys» 21 upaımen 17-orynǵa jaıǵassa, «Metallýrg» 38 upaımen 1-orynda keledi.

Qazaqstandyq klýb budan keıin eki oıynyn syrt aıdynda ótkizedi. Aldymen 15 qarashada Reseıdiń «Lokomotıv» (ıAroslavlk) klýbymen sheberlik baıqassa, odan keıin 17 qarashada «Sochımen» kezdesedi.

Eske salsaq, budan buryn «Barys» bes oıynǵa sozylǵan sátsizdik serııasyn toqtata aldy.