QHL: «Barys» búgin elordada «Metallýrg» klýbymen oınaıdy

ASTANA. KAZINFORM - Qazaqstandyq «Barys» komandasy búgin, ıaǵnı 17 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Metallýrg» (Magnıtogorsk) komandasyna qarsy ótkizedi.

Oıyn elorda ýaqytymen 19:20-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 74 márte kezdesken. Onyń 27-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken. 

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Qazir týrnır kestesinde «Barys» 29 upaımen 23-orynda tursa, «Metallýrg» 70 upaımen 8-orynda keledi.

Aıta ketsek, elordalyq klýb budan keıingi eki oıynyn elordada ótkizedi. Aldymen 20 aqpanda «Severstal» (Cherepovets) komandasymen kezdesse, odan keıin 22 aqpanda «Admıral» (Vladıvostok) klýbymen oınaıdy.

Eske salsaq, budan buryn «Barys» elordada «Lada» klýbynan jeńilip qaldy.