QHL: «Barys» búgin elordada «Avtomobılıstpen» kezdesedi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 12 qazanda elordada Reseıdiń «Avtomobılıst» (Ekaterınbýrg) komandasyna qarsy ótkizedi.
Kezdesý Qazaqstan ýaqytymen 19:30–da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 14 oıynnan keıin 16 upaımen on úshinshi orynda tursa, «Avtomobılıst» (Ekaterınbýrg) 13 oıynnan keıin 14 upaımen on besinshi orynǵa jaıǵasqan.
Elordalyq komanda sońǵy alty oıynnyń úsheýinde qatarynan jeńiske jetse, reseılik klýb alty kezdesýdiń tórteýinde qarsylastaryn qapy qaldyrdy.
Eki komanda arasyndaǵy sońǵy bes oıynnyń ekeýinde elordalyq klýb jeńiske jetti.
Qazaqstandyq komanda budan keıin qatarynan toǵyz kezdesýdi syrt aıdynda ótkizedi.
Aıta ketsek, budan buryn qazaqstandyq komanda óz alańynda Reseıdiń «Sıbır» (Novosibir) komandasyna ese jiberdi.
