QHL: «Barys» búgin elordada «Avangardpen» kezdesedi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 10 qazanda elordada Reseıdiń «Avangard» (Omby) komandasyna qarsy ótkizedi.
Kezdesý Qazaqstan ýaqytymen 16:30-da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 12 oıynnan keıin 14 upaımen on birinshi orynda tursa, «Avangard» 11 oıynnan keıin 11 upaımen on toǵyzynshy orynǵa jaıǵasqan.
Aıta ketsek, jaraqatyna baılanysty reseılik klýbtan Egor Afanasev, Aleksandr Volkov, Maksım Lajýa jáne Nıkolaı Prohorkın aldaǵy kezdesýge qatysa almaıdy. Qazaqstandyq komanda quramynan Mádı Dıqanbek osyndaı sebeppen búgingi kezdesýden tys qalyp otyr.
Eki komanda arasyndaǵy sońǵy bes kezdesýdiń ekeýinde elordalyq klýb jeńiske jetti.
Qazaqstandyq komanda budan keıin eki oıynyn elordada ótkizedi. Aldymen 12 qazanda Reseıdiń «Sıbır» (Novosibir) komandasymen kezdesse, 14 qazanda «Avtomobılıst» (Ekaterınbýrg) klýbtarymen oınaıdy.
Eske salsaq, budan buryn «Barys» Reseıde býllıtten «Spartakty» jeńdi.
