QHL: «Barys» búgin elordada «Avangard» komandasymen oınaıdy

ASTANA. KAZINFORM - Qazaqstandyq «Barys» komandasy búgin, ıaǵnı 16 qazanda Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasyna qarsy ótkizedi.

Kezdesý Qazaqstan ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Týrnır kestesinde «Barys» 14 upaımen 16-orynǵa jaıǵassa, «Avangard» 22 upaımen 2-orynda keledi.

Elordalyq klýb budan keıin eki oıynyn elordada ótkizedi. Aldymen 18 qazanda Reseıdiń «Ak Bars» (Qazan) komandasymen kezdesse, 24 qazanda «Amýr» (Habarovsk) klýbymen sheberlik baıqasady.

Eske salsaq, budan buryn «Barys» qatarynan altynshy márte jeńildi.