QHL: «Barys» búgin elordada «Ak Barsty» qabyldaıdy

ASTANA. KAZINFORM - Qazaqstandyq «Barys» komandasy búgin, ıaǵnı 25 qyrkúıekte Qurlyqtyq hokkeı lıgasyndaǵy kezekti oıynyn elordada Reseıdiń «Ak Bars» (Qazan) komandasyna qarsy ótkizedi.

Eki komanda buǵan deıin 55 márte kezdesken. Onyń 10-y elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Bıyl «Barys» jeti kezdesýdiń úsheýinde jeńiske jetip, qalǵanynda qarsylastaryna ese jiberdi.

Al «Ak Bars» jeti kezdesýdiń ekeýinde ǵana qarsylasyn qapy qaldyrdy.

Týrnır kestesinde «Barys» 7 upaımen 17 orynda tursa, «Ak Bars» 5 upaımen 20 oryndy mise tutyp tur.

Endi elordalyq klýb aldaǵy tórt oıynyn Astanada ótkizedi. Aldymen 25 qazanda Reseıdiń «Ak Bars» (Qazan) komandasyn qabyldasa, odan keıin 27 qyrkúıekte «Sıbır» (Novosibir), 29 qyrkúıekte «Admıral» (Vladıvostok), 1 qazanda «Lokomotıv» (ıAroslavl) komandalarymen kezdesedi.

Eske salsaq, budan buryn «Barys» overtaımda mınskilik «Dınamoǵa» ese jiberdi.