QHL: «Barys» búgin elordada «Ak Bars» klýbymen oınaıdy

ASTANA. KAZINFORM - Qazaqstandyq «Barys» komandasy búgin, ıaǵnı 20 naýryzda Qurlyqtyq hokkeı lıgasyndaǵy kezekti oıynyn elordada Reseıdiń «Ak Bars» (Qazan) komandasyna qarsy ótkizedi.

Eki komanda buǵan deıin 56 márte kezdesken. Onyń 11-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi on kezdesýdiń toǵyzynda qazaqstandyq ujym atalǵan qarsylasyna ese jiberdi.

Qazir týrnır kestesinde «Barys» 35 upaımen 23-orynda tursa, «Ak Bars» 83 upaımen 16-orynda keledi.

Endi «Barys» budan keıin QHL-dyń turaqty kezeńinde bir oıynyn Astanada ótkizedi.

Qurlyqtyq hokkeı lıgasy turaqty kezeńindegi sońǵy oıynynda 22 naýryzda «Salavat ıÝlaev» (Ýfa) komandasymen kezdesedi.

Eske salsaq, budan buryn «Barys» Reseıde «Sıbırge» ese jiberdi.