QHL: «Barys» búgin elordada «Admıral» komandasyn qabyldaıdy

ASTANA. KAZINFORM — Qazaqstandyq «Barys» komandasy búgin, ıaǵnı 29 qyrkúıekte Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizedi.

Kezdesý Qazaqstan ýaqytymen 19:20–da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 35 márte kezdesken. Onyń 16-y elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Bıyl «Barys» jeti kezdesýdiń úsheýinde basym túsip, qalǵanynda jeńilistiń aşy dámin tatty. Al «Sıbır» jeti kezdesýdiń tórteýinde qarsylasyn qapy qaldyrdy.

Týrnır kestesinde «Barys» 9 upaımen 13 orynǵa jaıǵassa, «Admıral» 8 upaımen 18 oryndy mise tutyp tur.

Endi elordalyq klýb aldaǵy bir oıynyn Astanada 1 qazanda «Lokomotıv» (ıAroslavl) komandasyna qarsy ótkizedi. 

Aıta ketsek, bıyl elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, Taıs Tompson, kanadalyq Djeık Massı, reseılik Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko jáne ózge de oıynshylar kelisimshartqa qol qoıdy.

Eske salsaq, budan buryn «Barys» tartysty oıynda «Sıbır» komandasyn qapy qaldyrdy.