QHL: «Barys» búgin elordada «Admıral» komandasymen kezdesedi
ASTANA. KAZINFORM - Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 12 qarashada elordada Reseıdiń «Admıral» (Vladıvostok) komandasyna qarsy ótkizedi.
Kezdesý Qazaqstan ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 24 oıynnan keıin 25 upaımen on altynshy orynda tursa, «Admıral» klýby 23 oıynnan keıin 25 upaımen on segizinshi orynǵa jaıǵasqan.
Elordalyq komanda sońǵy alty oıynnyń ekeýinde jeńiske jetse, reseılik klýb alty kezdesýdiń tórteýinde qarsylastaryn qapy qaldyrdy.
Eki komanda arasyndaǵy sońǵy bes kezdesýdiń bireýinde elordalyq klýb jeńiske jetti.
«Barys» komandasynyń quramy
Qaqpashylar: Danıl Lytkın («Nomad» komandasynan keldi), Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Qazaqstandyq komanda budan keıin taǵy bir oıynyn elordada ótkizip, 15 qarashada Reseıdiń «Metallýrg» (Magnıtogorsk) ujymyn qabyldaıdy.
Eske salsaq, budan buryn «Barys» ekinshi márte jeńilistiń aşy dámin tatty.
