QHL: «Barys» búgin elordada «Admıral» komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 16 naýryzda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizedi. 

Kezdesý Qazaqstan ýaqytymen 19:00–de bastalady.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi. 

Týrnır kestesinde «Barys» 53 upaımen 19-orynǵa jaıǵassa, «Admıral» 48 upaımen 20-orynda keledi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi tórt jylda mundaı múmkindikke qol jetkize alǵan joq.

Elordalyq klýb sapynda Ańsar Shaıhmeddenov jaraqat alǵan oıynshylar tiziminde tur.

Sondaı-aq medıtsınalyq sebepke baılanysty Emıl Galımov bul saparǵa qatyspaıdy.

Endi qazaqstandyq komanda 20 naýryzda syrt aıdynda Reseıdiń «Sıbır» (Novosibir) klýbymen kezdesedi.

Eske salsaq, budan buryn «Barys» Reseıde «Admıral» komandasyna ese jiberdi.