QHL: «Barys» búgin elordada «Admıral» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 28 qańtarda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) klýbyna qarsy ótkizedi.

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 36 márte sheberlik baıqasty. Onyń 17-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Elordalyq komanda sapynda Kırıll Savıtskıı jaraqat alǵandar tiziminen shyǵarylyp, birneshe kúnnen beri komandamen jattyǵyp júr. Al Meıson Morellıdiń matchqa qatysýy ázirge belgisiz.

Reseılik komanda jaqynda birqatar hokkeıshimen qoshtasty. Olardyń qatarynda komandanyń eń nátıjeli oıynshysy Danııl Gýtık, Igor Geraskın men Egor Petýhov bar. Komanda quramyn qaqpashy Ivan Kýlbakov, qorǵaýshy Semen Ibragımov jáne shabýylshylar Danıel Ýsmanov pen Egor Chezganov tolyqtyrdy.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Týrnır kestesinde «Barys» 39 upaımen 19-orynǵa jaıǵassa, «Admıral» 34 upaımen 22-orynda keledi.

Aıta ketsek, qazaqstandyq klýb budan keıin úsh oıynyn syrt aıdynda ótkizedi. Aldymen 31 qańtar jáne 2 aqpanda «Amýr» (Habarovsk) komandasymen kezdesse, 4 aqpanda «Admıral» (Vladıvostok) klýbymen sheberlik baıqasady.

Eske salsaq, budan buryn «Barys» Reseıde «Neftehımıkke» ese jiberdi.