QHL: «Barys» búgin elordada «Admıral» klýbymen oınaıdy

ASTANA. KAZINFORM - Qazaqstandyq «Barys» komandasy búgin, ıaǵnı 22 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizedi.

Oıyn elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 38 márte kezdesken. Onyń 19-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Qazir týrnır kestesinde «Barys» 29 upaımen 23-orynda tursa, «Severstal» 58 upaımen 16-orynda keledi.

Aıta ketsek, elordalyq klýb budan keıingi úsh oıynyn syrt aıdynda ótkizedi. Aldymen 26 aqpanda Reseıde «Metallýrg» (Magnıtogorsk) klýbyna qarsy ótkizse, odan keıin 28 aqpanda «Lada» (Tolıattı), 2 naýryzda «Traktor» (Chelıabi) komandalarymen sheberlik baıqasady.

Eske salsaq, budan buryn «Barys» elordada Reseıdiń «Severstal» (Cherepovets) komandasyna ese jiberdi.