QHL: «Barys» búgin «Admıralmen» oınaıdy
ASTANA. KAZINFORM — Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 6 qarashada Reseıdiń «Admıral» (Vladıvostok) komandasyna qarsy ótkizedi.
Kezdesý Qazaqstan ýaqytymen 14:30–da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 22 oıynnan keıin 25 upaımen toǵyzynshy orynda tursa, «Admıral» klýby 22 oıynnan keıin 23 upaımen on toǵyzynshy orynǵa jaıǵasqan.
Elordalyq komanda sońǵy alty oıynnyń ekeýinde jeńiske jetse, reseılik klýb alty kezdesýdiń tórteýinde qarsylastaryn qapy qaldyrdy.
Eki komanda arasyndaǵy sońǵy bes kezdesýdiń ekeýinde elordalyq klýb jeńiske jetti.
«Barys» komandasynyń quramy
Qaqpashylar: Danıl Lytkın («Nomad» komandasynan keldi), Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Vladıslav Nýrek Azııa chempıonatyna daıyndalyp jatqan Qazaqstan ulttyq quramasynyń sapyna shaqyrý alsa, Mádı Dıhanbek qalpyna kelý protsesin jalǵastyrýda.
Qazaqstandyq klýb aldaǵy bir oıynyn Reseıde 8 qarashada 12:00–de «Amýr» (Habarovsk) komandasyna qarsy ótkizedi.
Eske salsaq, budan buryn «Barys» Reseıde «Traktorǵa» ese jiberdi.