QHL: «Barys» bıylǵy maýsymda syrt aıdyndaǵy alǵashqy jeńisine jetti

ASTANA. KAZINFORM — Qazaqstandyq «Barys» komandasy búgin, ıaǵnı 15 qarashada Qurlyqtyq hokkeı lıgasyndaǵy kezekti oıynyn Reseıde «Lokomotıv» (ıAroslavl) komandasyna qarsy ótkizdi.

Reseılik klýb — «Barys» úshin qolaısyz qarsylas. Qazirge deıin komandalar 32 márte sheberlik baıqasty. Onyń 10-y elordalyq komandanyń basymdyǵymen aıaqtalsa, qalǵanynda reseılik ujym jeńiske jetti. Keıingi bes kezdesýdiń bireýinde qazaqstandyq klýb atalǵan qarsylasynan basym tústi. Oǵan qosa ıaroslavldik komanda bıylǵy maýsymdy sátti ótkizip keledi. Olar 38 upaımen 2-orynda keledi.

Kezdesý elordalyq klýb úshin sátti bastaldy. Oıynnyń 18-mınýtynda olardyń qatarynan Álıhan Ómirbekov mergendik tanytty. 

Úshinshi kezeńde olar basymdyqty arttyra tústi. Aldymen Semen Sımonov 46-mınýtta esepti ústemeleı tússe, odan keıin Ańsar Shaıhmeddenov 50-mınýtta kózdegen nysanadan múlt ketken joq.

Oıynnyń 54-mınýtta «Barys» hokkeıshisi Emıl Galımov qorytyndy esepti belgiledi. Osylaısha qazaqstandyq klýb qarsylasynan 4:0 eesbimen basym túsip, bıylǵy maýsymda syrt alańdaǵy alǵashqy jeńisin toılady.

Endi «Barys» budan keıin taǵy bir oıynyn syrt aıdynda ótkizip, 17 qarashada «Sochımen» kezdesedi.