QHL: «Barys» bıyl mınskilik «Dınamo» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 23 qyrkúıekte Qurlyqtyq hokkeı lıgasyndaǵy kezekti oıynyn Belarýste «Dınamo» (Mınsk) komandasyna qarsy ótkizedi.

Eki komanda buǵan deıin 34 márte kezdesken. Onyń 14-i elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Aıta ketsek, bıyl elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, Taıs Tompson, kanadalyq Djeık Massı, reseılik Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko jáne ózge de oıynshylar kelisimshartqa qol qoıdy.

Eske salsaq, budan buryn «Barys» komandasy Qurlyqtyq hokkeı lıgasyndaǵy kezekti oıynynda Reseıdiń «Severstal» komandasyna jol berdi.