QHL: «Barys» «Avangardtyń» mysyn basa ala ma

ASTANA. KAZINFORM — Qurlyqtyq hokkeı lıgasynyń (QHL) turaqty chempıonatynda astanalyq «Barys» óz aıdynynda búgin ombylyq «Avangard» klýbyn qabyldaıdy.

Atalmysh oıyn Qazaqstan ýaqytymen saǵat 16.30-da bastalyp, «Qazsport» telearnasynan tikeleı efırde kórsetiledi.

Bıylǵy maýsymda astanalyqtar Ombyda «Avangardqa» 0:4 esebimen ese jiberse, elordada sál basymdylyqpen utqan bolatyn – 1:0.

Qazirgi tańda «Avangard» 24 upaımen Shyǵys konferentsııasynda 10-orynda tursa, odan tórt upaıy kem «Barys» 11-satyda keledi.

Ótken týrda astanalyqtar óz aıdynynda kútpegen jerden kósh sońyndaǵy «Amýrdan» (Habarovsk) 0:3 esebimen utylyp qalǵan edi. Al «Avangard» Ombyda «Admıraldy» (Vladıvostok) 2:1 esebimen tize búktirdi.

«Barys» pen «Avangard» sońǵy bes oıynnyń úsheýinde jeńiske qol jetkizgen edi. Bul joly qalaı bolady, ol aıdynǵa shyǵatyn hokkeıshilerdiń sheberligine baılanysty.

Eske sala keteıik, budan buryn «Barystyń» Reseıde «Sochı» komandasynan basym túskenin jazǵan bolatynbyz.