QHL: «Barys» astanada «Sıbırden» basym tústi

ASTANA. KAZINFORM – Qurlyqtyq hokkeı lıgasynyń (QHL) kezekti týrynda elordalyq «Barys» Novosibirdiń «Sıbır» komandasyn qabyldady.

Osyǵan deıin novosibirlikter Shyǵys konferentsııasynda úzdik segizdikti túıindep tursa, astanalyqtar kósh sońynda edi. 

Birinshi kezeńde aıdyn ıelerinen Álıhan Ásetov esep ashsa, ekinshi taımda Vsevolod Logvın 2:0-ge jetkizdi. «Sıbırden» Georgıı Beloýsov esepti qysqartty.

Match sońyna taman Nıkıta Setdıkov qos goldyń avtory atandy. Qorytyndy esep – 4:1.

Osylaısha, «Barys» ótken jylǵy jeltoqsannyń ortasynan beri alǵash ret negizgi ýaqytta jeńiske jetti. 17 jeltoqsanda Máskeýde «Dınamony» elordalyqtar 2:0 esebimen utqan edi.

Ǵalym Mámbetálıevtiń shákirtteri 8 naýryzda óz aıdynynda Máskeýdiń TsSKA komandasyn qabyldaıdy.

Shyǵys konferentsııasynda 33 upaımen «Barys» burynǵysynsha sońǵy orynda keledi.

Eske sala keteıik, budan buryn kósh sońyndaǵy «Barystyń» óz aıdynynda «Sıbırdi» jeńe ala ma, sony jazǵan bolatynbyz.