QHL: «Barys» «Amýr» komandasyna ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 2 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Amýr» (Habarovsk) komandasyna qarsy ótkizdi.

Elordalyq komandanyń on bir oıynshysy Qazaqstan ulttyq quramasy sapynda Qysqy Azııa oıyndaryna attanyp ketti. Sonyń saldarynan olar sońǵy eki kezdesýde negizinen jastarǵa úmit artyp otyr.

Búgingi kezdesý barysynda da qazaqstandyq komanda reseılik ujymǵa laıyqty qarsylyq kórsete alǵan joq. Óz qaqpasyna jaýapsyz bes gol jiberip, týrnır kestesindegi jaǵdaıyn odan ári qıyndatyp aldy.

Kezdesýde reseılik klýbtan Ivan Mışenko 13, Vladıslav Barýlın 17, 37, Artýr Gızdatýllın 38, Devın Brosso 39-mınýtta mergendik tanytty.

Osylaısha «Barys» qarsylasyna 0:5 esebimen ese jiberdi.

Eske salsaq, budan buryn «Barys» túzde «Avangardtan» jeńilip qaldy.

Endi elordalyq klýb 4 aqpanda «Admıral» (Vladıvostok) komandasymen sheberlik baıqasady.