QHL: «Barys» alǵashqy kezdesýinde «Neftehımıkke» ese jiberdi
ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy alǵashqy oıynyn elordada Reseıdiń «Neftehımık» (Nıjnekamsk) komandasyna qarsy ótkizdi.
Kezdesý barysynda elordalyq komandadan Ýeıd Ellıson 36- mınýtta esep ashsa, reseılik klýbtan Vladımır Brıýkvın 49-mınýtta tarazy basyn teńestirdi.
Negizgi kezeńde 1:1 esebi tirkelip, oıyn overtaımǵa ulasty.
Overtaımda «Neftehımık» jeńis shaıbasyn soǵyp ketti.
Eki komanda buǵan deıin 45 márte kezdesken. Onyń 26-y elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.
Bıyl elordalyq klýb alǵashqy tórt oıynyn óz alańynda ótkizedi.
Aldymen búgin «Neftehımık» (Nıjnekamsk) komandasyn qabyldasa, odan keıin 6 qyrkúıekte «Traktor» (Chelıabi), 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) komandalarymen sheberlik baıqasady.
Elordalyq komanda jańa maýsymǵa daıyndyq aldynda bas bapkeri qyzmetine kanadalyq Devıd Nemırovskıdi shaqyrdy. 1993-2014 jyldar aralyǵynda hokkeıshi retinde oıyn kórsetken ol 2018 jyldan beri bapkerlik qyzmet atqaryp keledi.
