QHL: Aldaǵy maýsymǵa qatysatyn komandalar tizimi belgili boldy
NUR-SULTAN. QazAqparat - Bıyl Qurlyqtyq hokkeı lıgasynda baq synaıtyn komandalar tizimi belgili boldy, dep habarlaıdy QazAqparat tilshisi.
Málim bolǵandaı, aldaǵy maýsymda atalǵan týrnırde barlyǵy 23 komanda sheberlik baıqasady. Olardyń qatarynda elordalyq «Barys» klýby da bar. Sondaı-aq, bıyl Reseıdiń «Avangard» (Omby), «Avtomobılıst» (Ekaterınbýrg), «Ak Bars» (Qazan), «Amýr» (Habarovsk), «Vıtıaz» (Podolsk), «Dınamo» (Máskeý), «Lokomotıv», «Metallýrg» (Magnıtogorsk), «Neftehımık» (Nıjnekamsk), «Salavat ıÝlaev» (Ýfa), «Severstal» (Cherepovets), «Sıbır» (Novosibir), SKA (Sankt-Peterbýrg), «Spartak» (Máskeý), «Torpedo» (Nıjnıı Novgorod), «Traktor» (Chelıabınsk), «Sochı» (Sochı), TsSKA (Máskeý). Belarýstiń «Dınamo» (Mınsk), Latvııanyń «Dınamo» (Rıga), Fınlıandııanyń «Iokerıt» (Helsınkı) jáne Qytaıdyń «Kýnlýn Red Star» (Beıjiń) qurlyqtyq hokkeı lıgasynda baq synaıdy.
Esterińizge sala ketelik, «Barys» alǵashqy oıynyn 3 qyrkúıekte Latvııada «Dınamo» (Rıga) komandasymen ótkizedi .
Odan keıin 5 qyrkúıekte Belarýstiń «Dınamo» (Mınsk), 7 qyrkúıekte Reseıdiń TsSKA komandalarymen sheberlik baıqasady. Al 10 qyrkúıekte óz aıdynynda Qytaıdyń «Kýnlýn Red Star» klýbyn qabyldaýy tıis. Ázirge bul oıynnyń qaıda ótetini belgisiz. «Barys» basshylyǵy ol jóninde qosymsha málimet beretinin habarlady.
