QHL-2020 juldyzdar matchynyń ótetin orny belgili boldy
NUR-SULTAN. QazAqparat - Qurlyqtyq hokkeı lıgasy (QHL) juldyzdarynyń matchy ótetin orny belgili boldy, dep habarlaıdy «SPORTINFORM» SAA.
Lıganyń dırektorlar keńesiniń múshesi Aleksandr Medvedevtiń aıtýynsha, match 18-19 qańtar kúnderi Sankt-Peterbýrgte ótedi.
Aıta keteıik, 2017 jyldan beri KHL juldyzdarynyń matchy tórt dıvızıonnyń eń myqty ókilderi arasyndaǵy týrnır túrinde ótip keledi. Juldyzdardyń sońǵy matchy Qazan qalasynda ótti, al onyń jeńimpazdary Chernyshev dıvızıonynyń hokkeıshileri boldy, olardyń qatarynda «Barys» oıynshylary Darren Dıts pen Roman Starchenko bolǵan edi.
2018 jylǵy juldyzdar matchyn Qazaqstan astanasy qabyldap alǵan bolatyn.
