QHL-2018 juldyzdary aptalyǵynyń matchtary bastaldy
ASTANA. QazAqparat - Búgin Astanada bastaý alatyn hokkeı aptalyǵynyń matchtaryn «Qazsport» telearnasy tikeleı efırde kórsetedi, dep habarlaıdy QazAqparat.
14 qańtarǵa deıin jalǵasatyn doda Astanadaǵy «Barys Arenada» ótedi. Osy sharanyń aıasynda áıelder arasyndaǵy hokkeı lıgasy juldyzdarynyń, ıaǵnı, eki komandanyń eń myqty degen oıynshylary kezdesedi. Qazaqstandyqtardyń atynan bul oıynǵa «Tomırıs» áıelder komandasynyń sportshylary qatysady. Sondaı-aq, jastar arasyndaǵy hokkeı lıgasynyń oıynshylary da qatysyp, ónerlerin ortaǵa salatyn bolady.
Al, master shoýǵa Qurlyqtyq hokkeı lıgasynyń úzdik hokkeıshileri qatysyp, osy sport túrindegi ár túrli elementterin kórsetedi. 14-i kúni ótetin kezdesý Qurlyqtyq hokkeı lıgasyndaǵy barlyq úzdik oıynshylardan jasaqtalǵan eki komandanyń arasynda bolady.
Atalmysh oıynǵa astanalyq «Barys» komandasynyń hokkeıshileri qatysady. Hokkeı aptalyǵy «Barys Arena» muz aıdynynda birinshi bolyp áıelder lıgasynyń úzdikteriniń shyǵýynan bastalady. Úzilisterde ÁHL úzdikteri jyldamdyqqa, tehnıkalyq oıynǵa baılanysty túrli jattyǵýlar kórsetip, tájirıbelerimen bólisedi.
Al, 11 qańtar kúni Jastar hokkeı lıgasy dástúrli «Shyǵys» jáne «Batys» bolyp Jekpe-jek kýbogy jeńimpazdaryn anyqtaıtyn bolady. Juldyzdy aptany qurlyqtyq hokkeı lıgasy tórt dıvızıonynyń quramalary qorytyndylaıdy.
Jarysty «Qazsport» telearnasynan tikeleı efırde myna ýaqyttarda tamashalaýǵa bolady.
10 qańtar:
18:30 Əıelder Hokkeı Lıgasy. Juldyzdar matchy
11 qańtar:
18:30 Jastar Hokkeı Lıgasy. Juldyzdar matchy L
13 qańtar:
13:00 QHL juldyzdary. Master-Shoý
14 qańtar:
13:00 QHL. Juldyzdar matchy
