KHDR zymyrandary Japonııanyń aıryqsha ekonomıkalyq aımaǵyna qulady

Bul týraly TASS agenttigine dúısenbi, 6 naýryz kúni Japonııa mınıstrler kabınetiniń bas hatshysy Esıhıde Sýga málim etti.

Soltústikkoreıalyq zymyrandardyń synaqtary saldarynan Japonııaǵa kelgen shyǵyndar týraly aqparat joq, dep atap ótti japondyq mınıstrler kabınetiniń ókili.

Japonııanyń premer-mınıstri Sındzo Abe Phenıannyń áreketin synǵa aldy. «Bul elimizdiń qaýipsizdigi úshin qaterli qaýip jáne biz Soltústik Koreıanyń mundaı áreketterin úzildi-kesildi synǵa alamyz», - dedi ol.

Qazirgi ýaqytta Seýl ushyrylymdar boıynsha aqparattardy naqtylaýmen aınalysýda.

Soltústik Koreıa 6 naýryz kúni jergilikti ýaqyt boıynsha 07.36-da Phenan-Pýkto provıntsııasynan belgisiz úlgidegi zymyrandardy ushyrdy. Boljam boıynsha, KN-08 nemese KN-14 qurlyqaralyq ballıstıkalyq zymyranyn synaqtan ótkizý júrgizilgen.  Bul rette, Ońtústik Koreıada iri aýqymdaǵy koreıa-amerıkalyq áskerı jattyǵýlar ótip jatqan.

Eske salsaq, Phenıan buǵan deıin ballıstıkalyq zymyrandy 12 aqpan kúni ushyrǵan bolatyn . Eldiń bul áreketin BUU Qaýipsizdik keńesi synǵa aldy. Al KHDR ushyrylymdar sátti ótkenin málim etti.