KHDR zymyran qozǵaltqyshyna jańa synaqtar ótkizdi
ASTANA. QazAqparat - KHDR juma, 24 naýryz kúni qurlyqaralyq ballıstıkalyq zymyranda qoldanylýy yqtımal zymyran qozǵaltqyshyna jańa synaqtar ótkizdi.
Bul týraly dúısenbi kúni CNN telearnasy amerıkalyq qarýly kúshterdegi derekkózge silteme jasap habarlady.
TASS agenttiginiń habarlaýynsha, atalǵan test sońǵy birneshe aptadaǵy úshinshi synaq bolyp otyr.
19 naýryz kúni soltústikkoreılik Phenan-Pýkto provıntsııasyndaǵy Sohe ǵarysh aılaǵynda zymyrannyń jańa qozǵaltqyshy synaqtan ótti. Osydan keıin KHDR kóshbasshysy Kım Chen Yn ózge elderde jasalǵan tehnologııalarǵa táýeldi bolmaıtyn derbes ulttyq zymyran ındýstrııasynyń bastalǵanyn málim etti.
22 naýryz kúni Phenıan zymyran ushyrdy. Ońtústikkoreılik áskerılerdiń aıtýynsha, zymyran synaǵy sátsiz aıaqtaldy.
