KHDR Japon teńizine taǵy eki zymyran ushyrdy
SEÝL. QazAqparat – Soltústik Koreıa Japon teńizine búgin taǵy eki zymyran ushyrdy, dep habarlaıdy QazAqparat Yonhap agenttigine silteme jasap.
Koreıa Respýblıkasynyń Shtab bastyqtary komıteti taratqan habarǵa sáıkes, snarıadtar Kanvondo provıntsııasynyń Thonchhon ýezinen ushyrylǵan. Snarıadtardyń tıpi, ushý uzaqtyǵy, maksımaldy bıiktigi sııaqty aqparattar jarııalanǵan joq.
«Biz ár jaǵdaıǵa daıyn bola otyryp, endigi zymyrandardyń ushyrylýyn úzbeı ańdyp otyrmyz», - delingen komıtettiń málimdemesinde.
Phenıan 25 shildeden beri osymen altynshy ret zymyran ushyrdy.
Zymyrandardyń buǵan deıingi legi 10 tamyzda ushyrylǵan.
