KHDR jańa úlgidegi qanatty zymyrannyń alǵashqy synaqtaryn jarııalady
24 qańtarda Soltústik Koreıa ázirlenip jatqan Pýlhvasar-3-31 strategııalyq qanatty zymyranynyń jańa túrin alǵash ret synaqtan ótkizdi.
Synaqty KHDR zymyran quraý ǵylymynyń bas basqarmasy júrgizdi. Bul týraly Koreıanyń ortalyq aqparat agenttigi habarlady.
- Zymyrandy ushyrý qorshaǵan elderdiń qaýipsizdigine áser etken joq jáne aımaqtaǵy jaǵdaıǵa esh qatysy joq, - delingen habarlamada.
Basqarma bul synaqtar KHDR-dyń «qarý júıelerin úzdiksiz jańartý protsesi» aıasynda júrgizilgenin aıtty.
Koreıa Respýblıkasy Qarýly Kúshteriniń Shtab bastyqtary komıteti buǵan deıin KHDR 24 qańtarda Sary teńizge qaraı birneshe qanatty zymyrandar ushyrǵanyn habarlaǵan.
