KHDR «jańa qarýdy» synaqtan ótkizgenin rastady
SEÝL – Yonhap - NUR-SULTAN. QazAqparat – Senbi kúni KHDR jumada ushyrylǵanyn zymyrandar «jańa qarýdy» synaqtan ótkizý ekenin rastady. Phenıan synaqtar Kım Chen Ynnyń basshylyǵynda iske asyrylǵanyn málimdedi, dep habarlaıdy «QazAqparat» HAA Yonhap agenttigine silteme jasap.
«Kım Chen Yn juma tańynda taǵy da jańa qarýdy synaqtan ótkizdi», - delingen Koreıa Ortalyq aqparat agenttiginiń málimdemesinde.
«Bizdiń eldiń qorǵanys salasyndaǵy maqsaty – bizdi arandatýǵa eshkimniń batyly barmaýy úshin jeńilmeıtin áskerı áleýetke ıe bolý», - degen Kım Chen Ynnyń sózin keltiredi agenttik.
Degenmen agenttik jańa qarý týraly birde-bir aqparat bermedi, tipti atyn da ataǵan joq.
Ońtústik Koreıa Japon teńizine jaqyn qashyqtyqqa atylatyn ballıstıkalyq zymyranǵa uqsaıtyn snarıadtar ushyrylǵanyn habarlaǵan soń, araǵa bir kún salyp Soltústik Koreıa muny rastap otyr.
Áskerı sarapshylardyń aıtýynsha, snarıadtar AQSh-tyń taktıkalyq armııalyq zymyran júıesine uqsas.
KHDR jańalyq agenttikteri jarııalaǵan fotosýretterde zymyrandardyń Shyǵys teńizdegi shaǵyn araldaǵy nysanany joıyp jatqany kórsetilgen.
