KHDR zeńbirekteri Japon teńizine qaraı 100-ge jýyq snarıad jaýdyrdy
ASTANA. QazAqparat - Dúısenbi kúni KHDR Japon teńizine qaraı zeńbirekten 100-ge jýyq snarıad jaýdyrdy, dep habarlady Renhap agenttigi.
Snarıadtar jergilikti ýaqytpen saǵat 11.53-te Koreıa jarty aralyn 38- parallel boıynsha soltústik (KHDR) jáne ońtústikke (Koreıa Respýblıkasy) bólip turǵan demılıtarlyq aımaqtan jiberilgen.
Keshe KHDR Japon teńizi jaqqa taǵy eki ballıstıkalyq zymyran jiberdi. Al maýsymnyń sońynda ballıstıkalyq zymyranmen atqylaǵan bolatyn. Budan keıin de KHDR Japon teńizi jaǵyna birneshe zymyran jiberdi.
KHDR 2005 jyly ózin ıadrolyq derjava dep jarııalaǵan. 2006, 2009 jáne 2013-shi jyldarda jer astyndaǵy ıadrolyq synamalar júrgizgen. Bul oqıǵa halyqaralyq qaýymdastyq arasynda narazylyq týdyrdy. Phenıannyń is-áreketterine jaýap retinde BUU Qaýipsizdik keńesi KHDR ıadrolyq saladaǵy áreketterin doǵarýdy talap etken birqatar qarar qabyldady.
