KHDR ıadrolyq memleket retinde moıyndalmaıdy
ASTANA. 13 sáýir. QazAqparat - Koreı Halyq Demokratııalyq Respýblıkasy ıadrolyq memleket retinde moıyndalmaıdy, dep habarlaıdy 24.kz.
Bul týraly AQSh-tyń memelekettik hatshysy Djon Kerrı Ońtústik Koreıa Prezıdenti Pak Kyn He jáne Syrtqy ister mınıstrimen kezdeskennen keıin málimdedi. Dj.Kerrıdiń aıtýynsha, Koreı túbeginde paıda bolǵan shıelenisti resmı Phenıanmen kelissóz júrgizý arqyly ǵana sheshýge bolady. Sonymen qatar AQSh pen Ońtústik Koreıa KHDR tarapynan kez kelgen arandatýdy toıtara alatyndyǵyn aıtty. Djon Kerrı óz sózinde Ońtústik Koreıa, AQSh pen Japonııa elderiniń birlesip áreket etýi Kım Chen Ynnyń aldaǵy sheshimine baılanysty bolatyndyǵyn aıtty.
