KHDR turǵyndary aǵash egý merekesin atap ótti.
ASTANA. QazAqparat - Koreı Halyqtyq-Demokratııalyq Respýblıkasynyń turǵyndary senbi kúni «Sıksýdjol» (koreı tilinen aýdarǵanda aǵash otyrǵyzý degen maǵyna bildiredi) ulttyq merekesin atap ótti. Bul týraly Koreıanyń Ortalyq telegraf agenttigi habarlaıdy.
Kóshet otyrǵyzý rásimi elde keń kólemde uıymdastyryldy. Oǵan ondaǵan myń adam qatysty. Mereke barysynda 2,8 mln aǵash egildi.
1946 jyldan beri Soltústik Koreıada jappaı aǵash otyrǵyzý sharalary dástúrli túrde ótkiziledi. Ǵalymdardyń atap ótýinshe, júzdegen myń aǵash egý ekologııany jaqsartyp, qumdy daýyldardy azaıtady.
