KHDR terrorızmdi qarjylandyratyn elder tizimine qaıta qosylýy múmkin
ASTANA. QazAqparat - AQSh Kongresiniń Syrtqy ister jónindegi komıteti Soltústik Koreıany terrorızmge demeýshilik etetin elder tizimine engizýdi usynǵan zań jobasyn biraýyzdan qoldady.
«Qoldanystaǵy sanktsııalardy kúsheıtýden bastaǵan jón», - dedi respýblıkalyq Ed Roıs.
Rosbalt habarlaǵandaı, budan buryn Qurama Shtattardyń memlekettik hatshysy Reks Tıllerson memlekettik departament QHDR-diń barsha óńir úshin qaýip týdyryp otyrǵan arandatýshylyqtaryna birqatar qarsy sharalar qarastyryp jatqanyn habarlady.
Eske salaıyq, Soltústik Koreıa 1987 jyly Ábý-Dabıden Bangkokqa bet alǵan ońtústik koreıalyq avıalaıner bortynda bolǵan jarylystan keıin terrorızmge demeýshilik etetin elder tizimine engizildi. Lańkestikti KHDR arnaıy qyzmetiniń tyńshylary jasady. Olar saǵat mehanızmi bar bomba ornatqan. 2008 jyly AQSh ákimshiligi Koreı túbegindegi jaǵdaıdy jaqsartý boıynsha altyjaqty kelissózderge qatysqany úshin KHDR-dy yntylandyrý maqsatynda Phenıandy bul tizimnen alyp tastaǵan bolatyn.
