KHDR taǵy da zymyran ushyrdy
SEÝL. Yonhap-QazAqparat – KHDR búgin tańerteń Shyǵys teńizde taǵy eki zymyran ushyrdy. Olar jaqyn qashyqtyqqa atylatyn ballıstıkalyq zymyran bolýy ábden múmkin, dep habarlaıdy «QazAqparat» HAA Yonhap agenttigine silteme jasap.
Phenıan Ońtústik Koreıa men Vashıngton arasynda ótip jatqan birlesken áskerı oqý-jattyǵýlarǵa osylaı narazylyq tanytyp otyr.
Ońtústik Koreıanyń qarýly kúshteri snarıadtardyń jergilikti ýaqytpen tańǵy 5:24 jáne 5:36-da Ońtústik Hvanhe provıntsııasynyń shyǵys jaǵalaýynan ushyrylǵanyn rastady. Eki zymyran shamamen 450 km ushqan.
«Ońtústik Koreıa jáne AQSh barlaý organdary búgingi zymyrandar sıpattamasy jaǵynan KHDR 25 shildede ushyrǵan ballıstıkalyq zymyrandarǵa uqsaıdy dep sanaıdy», - deıdi Ońtústik Koreıa áskerıleri.
«Bizdiń áskerıler ushyrylymdardyń qaıtalaný jaǵdaıyna baqylaý júrgizip otyr jáne olar tolyq daıarlyq kúıine keltirildi», - dedi Koreıa Respýblıkasy Bastyqtar shtabynyń birlesken komıtetinde.
KHDR eki aptanyń ishinde osymen tórtinshi márte zymyran ushyryp otyr. Buǵan deıingi zymyrandardyń alǵashqy legi 600 km, ekinshi retinde 250 km ushqan.
