KHDR taǵy da zymyran synaǵyn ótkizdi
ASTANA. QazAqparat - KHDR taǵy da zymyran synaǵyn ótkizdi. Onyń qandaı zymyrandy synaǵany belgisiz, biraq ol ballıstıkalyq zymyran degen boljam bar. Bul týraly Ońtústik Koreıanyń Qarýly kúshteri málim etti, dep jazady TASS.
Málimet boıynsha, zymyran soltústikkoreıalyq Vonsan qalasy mańynan ushyrylǵan.
Koreıa Respýblıkasynyń prezıdenti Mýn Chje In shuǵyl túrde Qaýipsizdik keńesiniń shaqyrylǵanyn jarııa etti.
Al Reuters agenttigi Japonııanyń mınıstrler kabınetiniń bas hatshysy Esıhıde Sýgýge siltememen zymyrannyń Kúnshyǵys eliniń arnaıy ekonomıkalyq aımaq ornalasqan aýmaǵyna taıaý jerge qulaǵanyn jazady.
