KHDR sýtegi bombasyn sátti synaǵanyn habarlady
ASTANA. QazAqparat - KHDR qurlyqaralyq ballıstıkalyq zymyrandy sátti synaǵan. Bul týraly jeksenbide Koreı ortalyq televızııasy málim etti, dep habarlaıdy reseılik TASS agenttigi.
«Koreı eńbek partııasynyń (KEP) strategııalyq ıadrolyq qarýdy ázirleý týraly ókimine sáıkes bizdiń atom salasynyń qyzmetkerleri elimizdiń soltústiginde qurlyqaralyq oqtumsyqqa arnalǵan sýtegi bombasyn sátti synady», - delingen habarlamada.
KHDR-dyń kezekti, altynshy ıadrolyq synaǵynan keıin, Qytaıdyń seısmologııalyq ortalyǵy terbelisi 6,3 jáne 4,6 bolatyn eki jer dúmpýin tirkedi. Qytaı mamandary ony «qoldan jasalǵan jarylys» dep baǵalady.
Koreı ortalyq televızııasynyń málimetinshe, soltústikkoreıalyq bomba qurastyrýshylardyń josparyna sáıkes durys iske qosylǵan.
