KHDR súńgýir qaıyǵynan ballıstıkalyq zymyran ushyrǵanyn rastady

MÁSKEÝ. TASS – QazAqparat – KHDR 19 qazanda súńgýir qaıyqtyń ballıstıkalyq zymyranyn (SQBZ) synaqtan sátti ótkizgenin rastady. Bul týraly sársenbi kúni Koreıa ortalyq telegraf agenttigi (KOTA) jazdy, dep habarlaıdy QazAqparat reseılik TASS agenttigine silteme jasap.

«Jańa ballıstıkalyq zymyran elimizdiń qorǵanys tehnologııasyn damytýǵa úlken úles qosyp, áskerı-teńiz flotynyń sýasty múmkindikterin keńeıtedi», - dep keltiredi Yonhap KOTA-nyń habarlamasyn.

Agenttiktiń málimetinshe, memleket kóshbasshysy Kım Chen Yn zymyrannyń synaqtan ótýine qatyspaǵan. Buǵan deıin Ońtústik Koreıanyń Shtab bastyqtary komıteti KHDR-dyń seısenbi kúni tańerteń eldiń soltústik-shyǵysyndaǵy jaǵalaýynda ballıstıkalyq zymyran jibergenin habarlaǵan bolatyn. Bul jyl basynan beri ótkizilgen segizinshi synaq.

Japonııa premer-mınıstri Fýmıo Kısıda jýrnalısterge Phenıannyń eki zymyran ushyrýy múmkin ekenin habarlaǵan.