KHDR shyǵys jaǵalaýǵa ortasha qashyqtyqtaǵy zymyrandardy jetkizdi
ASTANA. 4 sáýir. QazAqparat - Soltústik Koreıanyń áskerıleri ortasha qashyqtyqtaǵy zymyrandardy shyǵys jaǵalaýǵa kóshirip, ornalastyrdy.
Ony mamandar Mýsýdan kesheni retinde jiktep otyr.
Ońtústikkoreıalyq BAQ-tardyń taratqan aqparatyna sáıkes, mundaı málimetterge AQSh pen Koreıa memleketiniń barlaýshylary ıe.
Mýsýdan sanatyndaǵy raketalar 3 myń shaqyrymǵa deıingi nysanalardy joıýǵa qaýqarly. Onyń talqandaý aımaǵyna AQSh, QHR, jáne RF áskerıleri jaıǵasqan Ońtústik Koreıanyń, Japonııanyń, Gýam aralynyń aýmaǵyndaǵy barlyq nysandar enip otyr. Qazirgi ýaqytta atalmysh zymyrandar iske qosylýǵa daıyn ekendiginen nemese bul, kúshterdi kórsetý maqsatynda ǵana jasalyp otyrǵan qadamdar ekendiginen aqparattar joq.
KHDR áskerı komandovanıesi birneshe saǵat buryn memlekettik telearna arqyly ıadrolyq qarýdy qoldana otyryp, AQSh-qa qarsy áskerı operatsııa josparynyń bekitilýi týraly málimdedi.
