KHDR Shyǵys teńizde eki zymyran ushyrdy
SEÝL. QazAqparat – Japonııa úkimetiniń deregi boıynsha, KHDR beısenbi kúni Shyǵys teńizge jaqyn qashyqtyqtan eki zymyran ushyrdy, dep habarlaıdy QazAqparat Yonhap agenttigine silteme jasap.
Ońtústik Koreıa shtab basshylary birlesken komıtetiniń (JCS) habarlaýynsha, Soltústik Koreıa men AQSh kóshbasshylary ótken aıda eki Koreıa shekarasynda bolǵan kezdesý kezinde taıaý ýaqytta jumys deńgeıinde kelissózder júrgizýge kelisken. Alaıda ony ótkizý múmkindigi belgisiz bolǵandyqtan, osyndaı oqıǵa oryn alǵan.
«Soltústik Koreıa jaqyn qashyqtyqqa jergilikti ýaqytpen tańǵy saǵat 5:34-te, taǵy bir zymyrandy – tańǵy saǵat 5:57-de Hodo túbeginen, Vonsan qalasyna jaqyn mańnan Shyǵys teńizge ushyrdy», - dep habarlady komıtetten.
Komıtettegi ofıtserlerdiń biriniń aıtýynsha, bir zymyran 430 shaqyrym, endi biri odan alysyraq qulaǵan. AQSh júrgizgen taldaýǵa sáıkes, olardyń ekeýi de 50 shaqyrym bıikte ushqan. Boljam boıynsha, zymyrandar Shyǵys teńizge qulaǵan.
«Bizdiń paıymdaýymyzsha, Kım Chen Yn qazir jazǵy áskerı oqý-jattyǵýlar júrgizilip jatqan, zymyran ushyrylǵan aımaqta júr. Biz jaǵdaıdy jiti baqylap otyrmyz», - dep atap ótti komıtettegi derekkóz.
Komıtet zymyrandardyń ballıstıkalyq ekenin jáne KHDR-diń mamyrda eki ret ushyrǵan zymyrandar úlgisinen ekenin anyqtaý úshin qosymsha taldaý júrgizý qajettigin atap ótti.
