KHDR Seýlge Sary teńizde atys jattyǵýlaryn ótkizý josparlanǵanyn eskertti
ASTANA. QazAqparat - KHDR Koreı Respýblıkasyn (KR) Sary teńizdegi shekarada atys jattyǵýlaryn ótkizýdi josparlaǵany týraly habardar etti, dep jazdy ITAR-TASS.
Bul týraly ońtústikkoreılik qarýly kúshterdiń shtab bastyqtary komıtetiniń resmı ókili habarlady.
Habar faks arqyly jiberilgen. Kelip túsken aqparatqa sáıkes, atys shekara mańyndaǵy 7 aýdanda ótkizilmek.
«Soltústik Koreıa atys kezinde Ońtústik taraptyń áskerı kemeleriniń qozǵalysyn baqylaýǵa alýyn talap etken», - dep habarlady Seýl ókili.
Soltústik Koreıa taraby atys júrgiziletin naqty ýaqytty aıtpaǵan.
