KHDR reseılik balyq aýlaý kemesin ustady
VLADIVOSTOK. TASS-QazAqparat – Reseı Federatsııasynyń dıplomattary ótken aptada Koreı Halyq Demokratııalyq Respýblıkasynda ustalǵan reseılik kemege qatysty máseleni sheshýmen aınalysýda. Olar ekıpaj múshelerimen kezdesti, dep habarlady TASS agenttigine Vladıvostoktaǵy Reseı SІM ókili.
«Dál sol kúni (18 shildede) elshilikke habarlandy, dıplomattar áýel bastan máseleni sheshý úshin kúsh salýda. Bilýimshe, olar keme ekıpajymen kezdesken», - dedi SІM ókili.
SІM ókiliniń aqparatyna sáıkes, kemeni Koreı Halyq Demokratııalyq Respýblıkasynyń shekara qyzmeti ustaǵan. Onda ekıpajdyń 17 múshesi bar, ekeýi – Ońtústik Koreıanyń azamattary.
Buǵan deıin BAQ-ta reseılik «Sıanhaılın-8» seıneri ustalǵany habarlanǵan edi. Ol «Soltústik-shyǵys balyq aýlaý kompanııasy» JShQ-ǵa tıesili.
«Sıanhaılın-8» balyq aýlaý kemesi Reseıdiń týy astynda jumys isteıdi. 2015 jyly shyǵarylǵan. Kemeniń dedveıti 180 tonnany quraıdy, uzyndyǵy – 37,86 metr, al eni – 7,6 metr. «Soltústik-shyǵys balyq aýlaý kompanııasy» Sahalınde tirkelgen. Negizgi aınalysatyn kásibi – balyq aýlaý.
