KHDR Reseı-Ýkraına qaqtyǵysyna óz áskeriniń qatysatynyn rastady

ASTANA. KAZINFORM – KHDR bıligi Ýkraınamen áskerı qaqtyǵysqa qatysý úshin Reseıge áskerı qyzmetkerlerin jibergenin alǵash ret rastady, dep habarlaıdy VVS.

Yonhap Koreıa ortalyq aqparat agenttiginiń (KCNA) málimetterine silteme jasap habarlaǵandaı, áskerdi jiberý eki el arasyndaǵy jan-jaqty strategııalyq seriktestik týraly kelisimge sáıkes «Soltústik Koreıa kóshbasshysy Kım Chen Ynnyń buıryǵymen» júzege asyryldy.

- Ýkraına bıliginiń Reseı Federatsııasyna avantıýralyq basyp kirýine toıtarys berý úshin Kýrsk oblysyn azat etý operatsııalary jeńispen aıaqtaldy, - delingen KCNA habarlamasynda.

Onda KHDR Qarýly kúshteriniń bólimsheleri operatsııalarǵa «memleket basshysy Kım Chen Ynnyń buıryǵyna sáıkes» qatysqany qosylyp aıtylǵan.

Senbi kúni Reseı Bas shtabynyń basshysy Valerıı Gerasımov Vladımır Pýtınge Kýrsk oblysyndaǵy jaǵdaı týraly esep berip, «Soltústik Koreıanyń áskerı qyzmetkerleri aımaqty azat etýge aıtarlyqtaı kómek kórsetkenin» málimdedi.

Gerasımovtyń málimdemesi KHDR áskerleriniń Reseıge jiberilgeni týraly alǵashqy resmı rastaý boldy.

Ońtústik Koreıa KHDR-men dıalogke ashyq ekenin jazǵan bolatynbyz.