KHDR parlamenti el Konstıtýtsııasyna engizilgen ózgeristerdi talqylaıdy

ASTANA.KAZINFORM — Soltústik Koreıa qańtarda Parlamenttiń negizgi otyrysyn ótkizip, onda Konstıtýtsııaǵa ózgerister men basqa da birqatar máselelerdi talqylaıdy, dep jazady Yonhap.

Koreıa ortalyq aqparat agenttiginiń habarlaýynsha, KHDR 14-shi Joǵarǵy halyq jınalysynyń 12-sessııasyn 2025 jyldyń 22 qańtarynda shaqyrý týraly sheshim qabyldanǵan.

Málim bolǵandaı, aldaǵy sessııada «Sotsıalıstik Konstıtýtsııanyń keıbir erejelerin qaıta qaraý» sııaqty birqatar máseleler kóteriledi.

Sonymen qatar, ortalyq aqparat agenttigi qańtardaǵy sessııada 2025 jylǵa arnalǵan memlekettik bıýdjetti, qurylys materıaldary ónerkásibi jáne jaǵalaýdaǵy balyq sharýashylyǵy týraly zańdardy qabyldaýdy, sondaı-aq uıymdastyrý máselelerin talqylaıdy dep habarlaıdy.

20 qańtardaǵy Donald Tramptyń ınaýgýratsııasynan eki kún ótken soń Soltústik Koreıa kóshbasshysy Tramptyń ekinshi prezıdenttik merzimine jaýap retinde óz eliniń AQSh-qa qatysty saıasatyn jarııalaýy múmkin, dep jazady Ionhap.

Buǵan deıin Kım Chen Yn soǵysqa tolyq daıyn bolýǵa shaqyrǵan.

Keıin Ońtústik Koreıada tótenshe jaǵdaı rejımi engizildi. Alaıda parlament ony joıýǵa daýys berdi. Buǵan deıin qorǵanys mınıstri Kım En Hen keshirim surap, otstavkaǵa ketýdi usynǵan. Keıin prezıdent onyń otstavkasyn qabyldady.

Ońtústik Koreıada bılik partııasynyń jetekshisi prezıdentti ornynan alý qajettigin málimdedi.