KHDR Ońtústik Koreıaǵa taǵy da qoqys sharlaryn jiberdi
PHENЬıAN. KAZINFORM – Soltústik Koreıa taǵy da Ońtústik Koreıaǵa qoqys toltyrylǵan sharlardy ushyrdy. Bul týraly Ońtústik Koreıa qarýly kúshterine silteme jasaǵan «The Korea Times» habarlady.
Bul joly 420 áýe shary ushyrylǵan, onyń birinshi bóligi 4 qyrkúıek kúni keshke jiberilgeni naqtylandy. Al erteńine aýada qoqys sharlary taǵy da paıda bolǵan.
Sharlardyń ishinde negizinen densaýlyqqa qaýip tóndirmeıtin qaǵaz jáne plastık qaldyqtary bar ekeni atap ótildi.
«Associated France Press» agenttiginiń habarlaýynsha, 2024 jyldyń mamyr aıynan bastap KHDR Ońtústik Koreıaǵa qaraı 3800-den astam qaldyq toltyrylǵan sharlardy ushyrdy. 4 qyrkúıekte jiberilgen áýe sharlarynyń ushyrylýy sońǵy bes aıdaǵy on úshinshi oqıǵa boldy.
Aıta keteıik, maýsym aıynda Soltústik Koreıa qoqys salynǵan 300 shaqty shardy Ońtústik Koreıaǵa qaraı ushyrǵan edi.
