KHDR Ońtústik Koreıaǵa taǵy da qoqys sharlaryn ushyrdy

SEÝL. KAZINFORM – Búgin, 18 qarasha kúni tańerteń Soltústik Koreıa úsh aptalyq úzilisten keıin Ońtústik Koreıaǵa 40-qa jýyq qoqys sharyn ushyrdy. Bul týraly «Yonhap» agenttigi habarlady.

Qoqys sharlarynyń jartysyna jýyǵy Seýl men Ortalyq Kıongı provıntsııasyna tústi.

Habarlamada sondaı-aq sharlardyń ishinde Ońtústik Koreıany synaıtyn paraqshalar bolǵany jáne qaýipti materıaldardyń bolmaǵany aıtylǵan.

Seýl Soltústik Koreıanyń qoqys sharlaryn ushyrýy «tym shekten shyǵý» ótkenin málimdedi.

– Bizdiń sarbazdarymyzdyń sabyryn synamańyzdar, - delingen habarlamada.

Eske sala keteıik, buǵan deıin Soltústik Koreıa taǵy da Ońtústik Koreıaǵa qoqys toltyrylǵan sharlardy ushyrǵanyn habarlaǵan edik. Sondaı-aq 2 maýsymda Soltústik Koreıa Ońtústik Koreıaǵa qoqys sharlaryn ushyrǵan bolatyn.